NIÐANFYRI HAVA VIT EINA MYNDAFRÁSØGN FRÁ FLETTING Í KOLTRI

 

At fletta í Koltri er "teamwork"

Fyrst verður seyðurin skotin og síðani svavdur. Hetta standa teir báir fyri Sjúrður Holm og Gunnar Wardum.

Høvdini verða skorðin av og løgd til køling so hvørt.

 

 

 

 

 

 

 

Tá seyðurin hevur bløtt verður hann fluttur frá svaringarborðinum yvir á fyriristingarborðið. Har er tað í hesum føri Hørður Wardum sum ristur fyri.

Fyri at fáa skinnini væl undan verður rist fyri eftir forskrivtunum frá MBM. Tað er umráðandi at fyriristarin sker skinnalepan uttan av knæðskeljunum. Her verða hvítanýruni eisini tikin og er tíð til tað loysur fyriristarin bringukollin. Alt hetta lættir sera nógv um hjá tummarunum.

 

 

 

Tummingin er helst tað tunga arbeiðið. Men um alt er væl rist fyri og tummingarmaðurin heitur so gongur tað sum smurt. Men venjing og teknikkur skal til. Teir sum munnu tumma mest tá flett verður í Koltri eru Hans Vilhelm, Gunnvaldur og Hallgrím, men aðrir eru ikki bangnir fyri at leggja í.

Her er Hallgrím í holt við eitt veðurlamb.

 

 

 

 

Gunnvaldur hevur júst fingið bringukollin leysan.

 

 

 

 

 

 

 

Tá skinnið er hála av verður krovið flutt eftir ásinum til teir sum taka innan úr. Til hetta krevst góður kunnleiki um anatomi og at man er smidligur og kvikur á hondunum. Her er tað Hjørtur sum júst er sloppin av við vombina og skal í holt við mørin.

 

 

 

 

 

 

 

 

Tey ungu eru áhugaði og skulu fáa møguleikan at læra. Her er tað Gilli, sum er royndur flettari ið leggur lag á hvussu takast skal innan úr meðan Malan roynir seg meðan Gunnar hyggur áhugaður eftir.

 

 

 

 

 

 

Gilli, her sera konsentreraður um arbeiðið.

 

 

 

 

 

 

 

 

 

 

Vembur, vil, garnmørður og tálg verður alt skilt og tikið upp so hvørt. Oftast eru tað konufólkini sum gera hetta arbeiðið, hví so er veit eg ikki. Soleiðis er eisini í Koltri, enn....

 

 

 

 

 

Hesar ræðast ikki eina vomb! Tær eftir hondini royndu "vambakonurnar" duga síni ting til lítar og eru kvikar á hondunum. Og tá man tekur tað við einum smíli so verður tað so nógv lættari. Her er tað Bjarta sum dregur vil..

 

 

 

Elin og Bryndis hava verið við í slíkum vási fyrr og tað liggur væl fyri hjá teimum...

 

 

 

 

 

 

Eftir at tikið er innan úr verður krovið flutt til skiving. Skivingini stendur Andrias Lützen fyri og hann eftirkannað samtíðis um alt er komið úr og krovið annars er í lagi áðrenn tað verður hivað upp í hjallin har tað verður vigað og skrásett á vigingarlistan.

 

 

 

 

 

 

 

Tað er oftast bóndin sjálvur sum vigar og skrásetur.

 

 

 

 

 

 

 

Her rinda fólk møðina eftir ein strævnan felttingardag. Prátið gongur um vekt, fjallgongu. Nú eru fjalllombini eftir at fletta....